ILOILO – Ginapangitaan sang paagi sang Iloilo Provincial Government agud nga mahatagan sang container van ang tagsa ka banwa agud gamiton bilang quarantine facility.
Sa interview sang Bombo Radyo kay Atty. Suzette Mamon, Provincial Administrator, iya ginpahayag nga sa subong, padayon pa ang pagpangita sang mas maayo nga container van kun sa diin ang bili ang nakadepende sa design kag capacity sini.
Suno kay Atty. Mamon, ginaduso nga 10-bed capacity ang igahatag apang nakadepende na sa tagsa ka Local Government Unit ang pag set-up sini.
Ginpahayag ni Atty. Mamon nga ang kada unit ang may yara sang 2-bed capacity kag ang kwarta nga pagagamiton sa pagbakal sini ang magahalin mismo sa pondo sang Iloilo Provincial Government.
