ILOILO CITY – 69 ka mga barangay sa syudad sang Iloilo ang nag-apply agud nga ideklarar nga drug-cleared sang Philippine Drug Enforcement Agency.
Sa interview sang Bombo Radyo kay Philippine Drug Enforcement Agency 6 officer-in-charge Alex Tablate, iya ginpahayag nga bag-o madeklarar nga drug cleared ang isa ka barangay, kinahanglan anay nila nga magpasa sang dukomento nga ginahingyo sang ahensya.
Suno kay Tablate, magapatigayon sang pagsinapol ang oversight committee nga ginalakipan sang tiglawas sang Philippine Drug Enforcement Agency, Department of Interior and Local Government, Department of Health, Philippine National Police kag ang Local Chief Executive sa katapusan sang Oktubre.
Ginpahayag ni Tablate nga nakadepende sa mangin desisyon sang oversight committee kun bala igadeklarar nga drug cleared ang isa ka lugar.
