Ginsaysay sang isa ka Afghan journalist sa Bombo Radyo Iloilo ang sitwasyon sa Afghanistan ilabi na sa kapital nga syudad nga Kabul nga ginakontrol na subong sang Taliban militants.
Sa exclusive interview sang Bombo Radyo kay Mir Wais Jalalzai direkta sa Kabul City, iya ginpahayag nga kaangay nga military coup ukon kudeta ang natabo sa ila nga pungsod apang kontrolado lang sang Taliban.
“It’s completely like a military coup by the Talibans. The people are so much terrified. The human rights activists, the journalists, the doctors, the reporters, the students… everybody is trying to change their places, their hideouts — day by day — in order to protect themselves from the Talibans or from the target killings of this terrorist group,” pahayag sang natungdan.
Pahayag ni Jalalzai, wala sang pangadtuan ang mga Afghans subong ilabi na bangud wala sila sang makabig nga formal government ukon governmment structure.
Kun Taliban suno sa iya ang kabigon nga mga pinuno, wala man sang natabo nga formal transition of power.
Subong suno sa iya, palareho lang nga kahadlok ang ginabatyag sang tanan nga tawo — may propesyon man ukon wala.
“The situation is very fragile. It’s like a complete uncertainty in the city of Kabul and nobody knows what’s going on and what will happen tomorrow. There is no government that exists right now. You can see the Talibans in the road, on the government buildings, or even in the presidential palace but there is no formal government or any power transition or something like that.”
Sa idalom sang pagginahum sang mga Taliban suno sa amo nga Afghan journalist:
– Limitado ang freedom of speech
– Sirado ang mga embahada sang iban nga pungsod sa Kabul
– Wala sang mga babayi nga nagatrabaho sa opisina
– Wala sang babayi nga reporter sa telebisyon
– Wala sang babayi nga mga estudyante sa unibersidad
– Wala sang kumpleto nga government structure
– Wala sang diplomatic relations ang Afghanistan sa iban nga mga pungsod
“The situation today is not comparable to what we had with the previous government. The army has melt down,” dugang pa ni Jalalzai.
