ILOILO CITY – Pito ka bulto sang suspected shabu ang nakuha sa tatlo ka mga pangayaw nga nadakpan sa buybust operation sa Brgy. Balabago, Jaro, Iloilo City.
Ang mga nagkaladakpan amo sanday William Macapal, 59, sang Brgy. 2, Bacolod City, Eduardo Salimbut, 52, sang Brgy. 17, Bacolod City kag Ricky Cornelio, 50, sang Brgy. 29, Bacolod City.
Gin-ako ni Macapal nga siya ang nagapanag-iya sang pito ka bulto sang suspected shabu nga nakuha sang mga katapo sang Regional Drug Enforcement Unit (RDEU).
Magluwas sa drugs, nakuha man kay Macapal ang P35,000 nga buy bust money.
Gintudlo sang natungdan si certain Lester sang Talisay City nga amo ang supplier.
Suno pa kay Macapal, nagpa-upod siya kanday Salimbut kag Cornelio bangud indi pa siya pamilyar sa syudad sang Iloilo.
