ILOILO CITY – Pito ka dump trucks nga may karga nga quarry materials ang ginkustodiya sang kapulisan sa banwa sang Dueñas, Iloilo.
Sa interview sang Bombo Radyo kay Police Officer 3 Jerome Emplasta sang Dueñas Municipal Police Station, iya ginpahayag nga ang mga dump truck ang wala sang nagakaigo nga requirements agud magkarga sang quarry materials.
Bangud sini, ipa-ula na lang ang mga karga nga quarry materials halin sa Brgy. Angare, Dueñas.
Mismo si Atty. Arturo Cangrejo, pinuno sang Provincial Environment and Natural Resources Office (PENRO) ang nakadakop sa pito ka mga dump trucks.
Ang mga truck ang ginapanag-iyahan sang nanari-sari nga operators.