Pito ka mga healthworkers sa Rep. Pedro G. Trono Memorial District Hospital sa Guimbal, Iloilo ang nagpositibo sa COVID-19.
Sa interview sang Bombo Radyo kay Dr. Cynthia Cabangal Ng, pinuno sang Hospital Management sa probinsya sang Iloilo, iya ginpahayag nga sa pito ka mga healthworkers, anom diri ang medical technologists kag isa ang nagatrabaho sa laboratoryo.
Gindisinfect naman ang talatapan kag ginapadayon na ang contact tracing.
Suno kay Ng, tubtob subong indi pa nila mapat-od kun sa diin halin ang virus kun bala sa ospital gid man ukon sa komunidad.
Wala naman ginsirado ang nasambit nga hospital bangud may yara man ini sang bastante nga mga health personnel.
