PASSI CITY – Pito ka persona ang temporaryo nga gin-hold sa quarantine area sa boundary sang Passi City kag Dumarao, Capiz may kaangtanan sa istrikto nga pagpatuman sang border restrictions.
Sa interview sang Bombo Radyo kay Aireen Aiko Tuvillara, Officer-in-Charge sang I-Care Program sang Passi City, iya ginpahayag nga nagdamo ang mga salakyan nga nag-agi sa checkpoint umpisa 10:00 sang aga tubtub maghapon.
Suno kay Tuvillara, ginapapanaog sa salakyan ang mga pasahero nga may yara sang body temperature nga 37.6 degrees Celsius pataas kag temporaryo nga ginapapahuway sa quarantine area.
Ginpahayag ni Tuvillara nga regular nga gina-check paagi sa noncontact thermometer ang body temperature sang mga gin-hold nga pasahero agud nga makumpirma nga wala sila sang hilanat.
Sa subong, ginpahayag sang natungdan nga wala naman sang nangin problema sa ginapatigayon nga border restrictions.
