Patay ang pito ka tawo sakay sa military helicopter matapos ini ang nagtibusok sa Bukidnon.
Suno kay Major Rodulfo Cordero, public affairs chief sang 4th Infantry Division, wala sang may nakaluwas sa nasambit nga aksidente.
Natalana kuntani nga magdul-ong sang supplies ang UH1H helicopter sa 8th Brigade patrol sang Philippine Army.
Apang naka-eksperyensya sang engine trouble ang nasambit nga helicopter samtang yara ini sa Impasugong sa Malaybalay City.
Gintinguhaan man kuntani sang piloto nga i-maneuver ang helicopter apang ini ang nadulaan sang control.
Ang helicopter ang may sakay nga duha ka mga piloto, 2 ka mga crew members sang Philippine Army kag duha ka mga myembro sang Citizen Armed Force Geographical Unit (CAFGU) .
Ini amo sanday Lieutenant Colonel Arnie Arroyo, pilot in command; 2nd Lieutenant Mark Anthony Caabay, co-pilot; Staff Sergeant Mervin Bersabi; Airman 1st Class Stephen Agarrado;Sergeant Julius Salvador kag Cafgu Active Auxiliary Jerry Ayukdo.
Samtang ang isa ka biktima ang nagapabilin pa nga unidentified.
Gilayon naman nga imbestigahan ang natabo nga aksidente.
Ginpasalig naman sang Philippine Air Force nga magahatag ini sang bulig sa pamilya sang mga biktima.
