ILOILO – Subject for retraining ang pito ka pulis sa Western Visayas nga naangot sa illegal drugs.
Sa interview sang Bombo Radyo kay Police Lt. Col. Joem Malong, tagpamaba sang Police Regional Office 6, iya ginpahayag nga sa pito ka pulis, 5 ang naghalin sa Negros, 1 sa Iloilo kag 1 sa Regional Headquarters Support Group.
Suno kay Malong, ang pito ka pulis ang restricted sa sensitive operations kasubong sa intelligence, investigation kag police operations apang yara sa gihapon sa serbisyo.
Ginpahayag ni Malong nga bangud nga nagabaton sang sweldo ang pito ka pulis, sila ang ginahatagan sang administrative works ukon ano man nga trabaho magluwas lang sa sensitive operations.
Ang pito ka mga pulis suno kay Malong ang nalakip sa priority sa retraining kag seminar.
Kasubong man ang ginmahimu suno kay Malong sa gina relieve nga mga pulis nga ginapaidalom sa imbestigayson.
