ILOILO CITY – Padayon nga ginapangita sang mga otoridad ang suspek sa pag-abduct kag paghimulos sa pito ka tuig nga bata sa Barangay Parara Norte, Tigbauan, Iloilo kaina sang kaagahon.
Sa interview sang Bombo Radyo Iloilo, ginpahayag sang iloy sang biktima nga ginsulod sang suspek nga si Noel Salarda, 31, sang Parara Sur, Tigbauan, ang ila balay kaina sang tungang gab-i samtang sila ang nagakatulog.
Sa panaysayon sang iya anak, ginhakwat sang suspek ang biktima nga wala nila mabatyagan.
Nagahigda ang mga biktima malapit sa puertahan sang ila balay rason nga madasig ini nakuha sang suspek.
Gindala ni Salarda ang biktima sa isa ka kubo malapit sa dike kun sa diin niya ini ginhimuslan.
Suno sa iloy, pagpuli sang anak, may mga pilas ini kag nagabanog ang baba bangud ginpilit ini mag-oral sex sang suspek.
Dugang pa sang iloy sang biktima, kilala sa ila lugar ang suspek nga nagapangawat kay maniac kun sa diin pila na ang ginmolestiya sini.