ILOILO CITY – Tuman nga trauma ang nabatyagan sang pito ka tuig nga bata nga gin-abduct kag ginhimuslan kaina sang kaagahon sa Barangay Parara Norte, Tigbauan, Iloilo.
Ginsaysay eksklusibo sa Bombo Radyo sang biktima nga nabatyagan niya sang ginhakwat ini sang suspek nga si Noel Salarda, 31, sang Parara Sur, Tigbauan, matapos nga ginsulod ang ila puluy-an samtang nagakatulog sila.
Apang wala ini makapangayo sang bulig bangod ginpahog ni Salarda.
Suno sa biktima, wala sang may nakatalupangod sa suspek sang magkamang ini sa kudal agud makasulod sa ila balay.
Gindala siya sang biktima sa kubo malapit sa dike kag ginhaboy pa siya sang suspetsado malapit sa suba kun sa diin siya ginmolestiya, rason sang madamo nga pilas nga iya naangkon.
Matapos siya ginhimuslan, gindul-ong pa siya sang suspetsado sa dalan papuli sa ila balay, samtang si Salarda ang padayon pa nga ginapangita sang kapulisan.
Samtang ginpahayag naman sa Bombo Radyo ni Punong Barangay Ronnie Paguntalan sang Parara Sur, Tigbauan nga sadto pa ginareklamo ang suspek sang pagpangawat kag pagpangmolestiya.