ILOILO CITY – Ginapakakas na sa listahan ang 70 sa 80 ka mga drug personalities sa Barangay Anti-Drug Abuse Council (BADAC) report sa bug-os nga siyudad sang Iloilo.
Kadungan sang City Peace and Order Council (CPOC) meeting nga ginhiwat kahapon, ginpahayag ni city DILG head Atty. Ferdinand Panes nga amo man ang secretariat sang CPOC, nagsulat na ang PNP sa CPOC matapos nga mismo ang mga kabarangayan ang naghingyo sa ila.
Paathag ni Atty. Panes, ang mga personalidad santu sa pahayag sang mga natungdan nga barangay nga gin-validate naman sang pulis, ang indi na makita pa.
Ini ang rason suno sa DILG kun nga-a indi na dapat abagahon sang mga barangay ang katungdanan tungod wala na sa ila lugar ang mga natumod nga drug personalities.
Nagpamalibad naman ang DILG nga hingadlan ang nabilin pa nga drug personalities tungod wala sila sang ideya kun kanday sin-o ang mga ini.