Opisyal na nga ginkumpirma sang Islamic State of Iraq and Syria (ISIS) ang kamatayon sang ila lider nga si Abu Ibrahim al-Hashemi al-Quraishi.
Sang Pebrero pa sang una nga gin-anunsyo ni US President Joe Biden nga ginpalukpan mismo sang 45-anyos nga ISIS leader ang iya nga kaugalingon, ang iya asawa, kag duha ka kabataan samtang ginapatigayon sang US special forces ang isa ka operasyon sa northern Syria.
Ang kamatayon sang amo nga lider ang isa ka daku nga bangungot para sa ISIS matapos nga nadulaan man ang amo nga terror group sang longtime leader nga si Abu Bakr al-Baghdadi sa kaangay man nga raid sang 2019.
Apang kun may madula, may magabulos. Ang bag-o nga lider sang ISIS amo si Abu al-Hassan al-Hashemi al-Quraishi.
