ILOILO CITY- Magasugod na bwas, Marso 25 tubtob Mayo 8, 2022 ang pagpatuman sang public works ban may kaangtanan sa nagahilapit nga May 9 local and national elections.
Sa interview sang Bombo Radyo kay Atty. Wil Arceño, Provincial Election Supervisor sa Antique, iya ginpahayag nga ini nga public works ban nagasakop sang disbursement kag spending,subong man ang construction activity.
Suno kay Arceño, ang mga public works ang tipikal nga ginapauntat sa tion sang election season agud indi maimpluwensyahan ang resulta sang eleksyon.
Katuyuan sini nga dalukan ang mga politiko nga maka-access sa resources nga mahimo gamiton sa indi husto nga pamaagi agud buligan ang ila kampanya.
Sa tion sang ban, ang spending activity ang limitado lang sa emergency kag maintenance works kag salaries nga may pila ka exceptions.
