ILOILO CITY- Hugot ang monitoring sang National Irrigation Administration (NIA) Region 6 sa pagtaas sang lebel sang tubig sa Moroboro Dam sa Dingle, Iloilo.
Sa interview sang Bombo Radyo kay Danielle Pijuan, Public Relations Officer sang NIA-6, iya ginpahayag nga yara pa lang sa 23.40 meters above sea level kag mas manubo ini sa 24 meters nga normal level.
Apang suno kay Pijuan, bangud nga nagataas ang lebel sang tubig sa suba sa mga banwa nga ginahalinan sang nagailig nga tubig sa Jalaur River, ginpakamaayo sang NIA nga magbukas sang siyam ka main gates agud ma-release ang tubig.
Pahayag ni Pijuan, Standard Operating Procedure ini bangud mangin alarming kun maglapaw ini sa operating level nga 24 meters.
