ILOILO CITY – Liwat nga maga-compete sa Binibing Pilipinas ang Ilongga beauty queen matapos nga nakasulod sa official list sang Binibining Pilipinas 2022.
Ang 26-anyos nga si Karen Laurrie Mendoza nga tumandok sang Concepcion ang Iloilo ang nagtapos sa Top 13 sang Binibining Pilipinas 2021 matapos nga ginsabat niya ang pamangkot nga “When is it okay not to be okay and when is it not okay to be not okay?”
Makasumpong ni Karen ang 39 ka iban pa nga kandidata nga nakasulod sa final list nga gin-anunsiyo sang Binibining Pilipinas Charities, Inc. (BPCI) kagab-i.
Kabahin sang makasumpong niya amo sanday Graciella Lehman kag first runner-up Gabby Basiano subong man ang comedienne nga si Nicole Budol ukon mas kilala nga si Hipon Girl.
Ang magadaog sa 58th Binibining Pilipinas ang magatiglawas sang pungsod sa Miss International, Miss Globe, Miss Intercontinental, kag Miss Grand International.
Ang date kag venue sang pageant ang natalana pa nga i-anunsiyo sang organization.
