ILOILO CITY – Ginkwestyon sang isa ka geologist ang ginaduso sang incoming administration ni President-elect Ferdinand “Bongbong” Marcos Jr. nga pag-revive sang Bataan Nuclear Power Plant (BNPP).
Ginkwestiyon man ni Mahar Lagmay, Executive Director sang Project Nationwide Operational Assessment of Hazard (NOAH) ang available information nahanungod sa presensya sang fault lines sang linog kun sa diin nahamtang ang power plant kag ang risgo sini sa volcanic eruption.
Ini ang ginpamangkot ni Lagmay sa ginpatigayon nga virtual Forum on Nuclear Energy.
Gintumod sini ang ginpakita nga presentation sang iya kaangay nga mga scientists nga nagdala sang isyu sang competitiveness kag impact sang nuclear energy kag ang posible nga adoption sang nuclear programs.
Ini ang ginlakipan sang presentation sang Department of Science and Technology-Philippine Nuclear Research Institute (DOST-PNRI) sa viability sang revival sang Power Plant kag operability sang power plant kag subong man ang presensya sang fault lines kag posible nga volcanic eruption.
Suno kay DOST-PNRI director Carlo Arcilla, wala sang active faults sa idalom sang planta apang ang Philippine Institute of Volcanology and Seismology (Phivolcs) gid lamang ang makasabat kun bala may ara gid man sang fault line ukon wala.
Suno pa sa iya, PNRI ang regulator kag kun may yara sang active fault, indi mahimo nga mapirmahan niya ini.
Suno naman kay Lagmay, may yara sang punto nga wala sang active faults kun basehan kaangay sang North Bohol fault.
Sa Zambales, may natabo nga linog apang wala nakabutang sa active fault map subong man sa Batangas kag sa Mindanao.
Apang, kampante si Arcilla nga malapit ang Power Plant sa inactive nga Mt. Natib kag malapit man ini sa Laguna de Bay.
Ang planta ang gintukod malapit sa lahar deposit sang Mt. Natib kag ini ang himo sang adobe.
Ang adobe ang produkto sang violent volcanic eruption nga naghalin sa Laguna de Bay nga mas bata naman sa Mt. Natib suno kay Arcilla.
Apisar nga may nagkalain-lain nga panan-awan nahanungod sa Power Plant sanday Lagmay kag Arcilla, naghisugot ang duha nga kinahanglan pa ang dugang nga pagtuon sang kontrobersyal nga revival sini nga planta.
