ILOILO CITY – Nagdangat sa 706 tanan ka mga barangay sa probinsya sang Iloilo ang may kandidato nga wala sang kontra para sa palaabuton nga Barangay and Sangguniang Kabataan Elections.
Sa interview sang Bombo Radyo kay Atty. Reinier Layson, concurrent election supervisor sang Commission on Elections sa syudad kag probinsya sang Iloilo, iya ginapahayag nga kalabanan diri ang nagikan sa First District sang probinsya.
Sa syudad sang Iloilo naman, may yara sang 52 ka mga barangay nga may unopposed candidate.
Suno kay Layson, ang mga kandidato nga wala sang kontra ang ginabug-usan sang punong barangay kag Sangguniang Kabataan chairman.
Base sa pagsulundan, ang mga kandidato nga wala sang kontra ang nagakinahanglan sa gihapon sang masobra sa isa ka boto agud nga maproklamar nga nagdaog.
