Nagdangat na sa masobra 1 million nga mga estudyante sa Western Visayas nga nagpa-enroll para sa school year 2022-2023.
Sa interview sang Bombo Radyo kay Mr. Hernane Escullar Jr., spokesperson sang Department of Education (DEPED) Region 6, base sa learners information system, as of August 17, nagdangat sa 1, 654, 457 ang nagpa-enroll sa rehiyon.
Suno kay Escullar, sa nasambit nga numero, 1,501,589 ang nag-enroll sa public school kag 149, 676 naman ang sa private school kag 3,92 naman sa basic education.
Ang last day sang enrollment ang natalana naman sa Agosto 22 nga amo man ang 1st day of class.
Sa breakdown sang mga enrollees:
1.Schools Division of Iloilo nga may 392, 594;
2.Schools Division of Negros Occidental nga may 276, 899;
3.Schools Division of Capiz nga may 129,014
Ang may pinakadamo naman nga nagpa-enroll base sa grade level amo ang mga masunod:
- Kinder to Grade 6 nga may 836,889
- Grade 7 to 10 nga may 541,748
- Grade 11 nga may 148, 275 kag
- Grade 12 nga may 127,545
Sa subong, wala pa sang anunsyo ang DEPED Central Office kun may extension sang enrollment matapos ang Agosto 22.
