ILOILO CITY- Padayon pa nga ginahibalo ang identity sang lalaki nga nasapwan nga wala na sang kabuhi sa Barangay Qui-anan, San Joaquin, Iloilo.
Sa interview sang Bombo Rady kay Police Captain Felix Perez, officer-in-charge sang San Joaquin Municipal Police Station, iya ginpahayag nga nagakaya ang lakaki kag naputos sang plastic bag ang iya ulo.
Suno kay Perez, nagasuksok ini sang blue nga dilargo kag puti nga t-shirt.
May yara man ini sang tattoo sa butkon kag sa batiis.
Ginpahayag dugang sang natungdan nga nakit-an sang isa ka mangunguma nga naglabay sa lugar ang bangkay kag gilayon nagtawag sa mga otoridad agud tsekyaron.
