ILOILO CITY- Nasunog ang isa ka Indian restaurant nga nahamtang sa C1 Road, San Jose, Arevalo, Iloilo City kaina sang kaagahon.

Nagsugod ang sunog 1:22 sang kaagahon kag na-fire out 1:44.

Naglab-ot pa sa 2nd alarm ang amo nga sunog.

Naglab-ot naman sa indi magnubo sa pito ka mga firetrucks ang nagresponde sa area.

Ginabanta nga yara sa P200,000 ang balor sang kahalitan nga natuga sang sunog.

Padayon pa nga ginaimbestigaran kun ano ang ginhalinan sang kalayo.