ILOILO CITY- Nadugangan pa ang numero sang mga atleta nga Pinoy nga magadala sang hayahay sang Pilipinas sa palaabuton nga Paris Olympics.
Ini matapos nga nag-qualify ang weightlifter nga si John Ceniza kasunod sang performance niya sa International Weightlifting Federation (IWF) World Cup sa Phuket, Thailand.
Nagtapos si Ceniza bilang fourth kag nakatipon sang total lift nga 300kg kasunod sang 132kg sa snatch kag 168kg sa clean and jerk.
Antes ang tournament, si Ceniza ang yara na sa rank 6th sa Olympic Qualification Ranking (OQR) kag sa maayo nga posisyon nga makasulod sa Olympics.
Ang top 10 athletes sa kada category ang maga- qualify sa Olympiada kag magahulat sang official announcement sang qualified weightlifters sa masunod nga bulan.
Si Ceniza, isa ka two-time SEA Games silver medalist,ang ikawalo nga Filipino athlete nga magahampang sa Paris Games.
Upod niya sanday EJ Obiena, Carlos Yulo, Aleah Finnegan, Eumir Marcial, Nesthy Petecio, Aira Villegas, kag Rosegie Ramos.
