Wala na sang kabuhi sang nasapwan ang isa ka tigulang sa dalanon sang Sitio Ilawod, Barangay Salvacion, Nueva Valencia, Guimaras.
Ang biktima amo si Lorenzo Gabito, 73 kag residente sang Sitio Ubog, Barangay Lanipe, Nueva Valencia, Guimaras.
Sa interview sang Bombo Radyo kay Police Chief Master Sergeant Orlando Castillano, chief investigator sang Nueva Valencia Municipal Police Station, iya ginpahayag nga padayon pa ang ila imbestigasyon sa matuod nga gintunaan sang kamatayon sang biktima.
Apang dako ang posibilidad suno sa pulis nga biktima si Gabito sang hit and run.
Natalana naman nga ipaidalom sa autopsy ang bangkay sang biktima.
