Nagbukas na ang Queenbank sa Zarraga Branch, Iloilo.
Ang Queenbank Zarraga Branch nahamtang sa Jalandoni St., Poblacion Ilaud, Zarraga.
Nagatanyag ini sang mga serbisyo kaangay sang Savings and Checking Account, Dollar Deposit Account, ATM, Loan Services, Foreign Exchange, Western Union, Bayad Center, Bills Payment kag Mobile Banking.
Sa three point Seven (3.7) Billion Pesos nga resources, ginapasiguro sang Queenbank nga mahatag sa tawo ang kinahanglanon nga financial services.
Ang Queenbank ginpundar sang isa ka Ilonggo nga si Dr. Rogelio Florete, masobra 40-anyos na ang nagligad kag nagaserbisyo sang tampad nationwide.
Ang Queenbank nagapakigbahin kag nagaupod man sa digital age through mobile banking service, QR Ph cashless transaction kag bank to bank transfer everywhere in the Philippines.
Ang Queenbank, member sang Bancnet, PDIC kag sang Florete Group.
Sa interview naman sang Bombo Radyo kay Zarraga Mayor Jofel Maranon-Soldevilla, iya ginpahayag nga bilang isa na ka 3rd class municipality,dako gid ang mabulig sang Queenbank sa economic activities sang banwa.
Suno sa iya, mas mangin accessible na sa mga pumuluyo ang banking kag indi na nila kinahanglan magkadto pa sa iban nga banwa bangud nga mas ginpalapit kag ginpahapos na ang serbisyo para sa tawo.
