Nagpatigayon sang hublag protesta sa Tel Aviv ang mga Israeli agud magpabutyag sang kasubo kag kabalaka matapos maglapta ang video nga nagapakita sang sitwasyon sang kagutom kag kahimtangan sang mga Israeli hostages sa Gaza.
Sa gin-release nga video sang militant group nga Hamas kag Palestinian Islamic Jihad, makit-an sanday Israeli hostages Evyatar David kag Rom Braslavski sa isa ka makaluluoy nga kondisyon.
Sila ang kabahin sang 50 hostages nga nagapabilin sa amo nga teritoryo kag indi magnubp sa 20 sa ila ang ginapatihan nga buhi.
Ginpahayag ni US Special Envoy to the Middle East Steve Witkoff nga dapat dululungan kuntani nga magapauli ang 50 ka bihag sa Israel agud matapos ang nagapadayon nga giyera.
Suno kay Witkoff, may yara sang estratehiya ang Estados Unidos nga nagatuyo tapuson ang kinagamo kag may salabton ang mga Hamas sa ila mga ginhimo.
Ginpanindugan man sini nga kinahanglan buhi nga makapauli ang mga hostages, kag kun indi, may yara gid sang dapat manabat.
