BINGAWAN, ILOILO – Patay ang isa ka senior citizen matapos nga wala na nakaguwa samtang ginalamon sang kalayo ang iya nga balay sa Barangay Quinar Upan, Bingawan, Iloilo.
Ang biktima amo si Paterno Chavez, 77 anyos.
Sa interview sang Bombo Radyo kay PLt. Rene Mercado, OIC Chief of Police sang Bingawan Municipal Police Station, iya ginpahayag nga nasunog ang balay ni Chavez nga human sa light materials.
Indi pa mapat-od ni Mercado kun ano ang ginhalinan sang sunog.
Suno kay Mercado, naga isahanon na lang sa pagpangabuhi ang biktima kag may yara pa ini sang balatian.
Mahimo pahayag niya nga bangud sa edad ni Chavez kag pagsuprer sang balati-an, wala na ini gilayon nakaguwa sa iya nga balay.
