ILOILO CITY – Wala na sang kabuhi sang nasapwan ang 77 anyos nga tigulang sa isa ka bakante nga lote sa Brgy. Tanza Baybay, Iloilo City.
Ang biktima amo si Eduardo Perales sang Zone 4, Calumpang, Molo, Iloilo City.
Sa interview sang Bombo Radyo kay Lilibeth Perales, sa umagad sang biktima, iya ginpahayag nga nakita pa niya ang ugangan pila ka oras antes ini nasapwan nga patay.
Suno kay Perales, may hapo kag hypertension ang iya ugangan nga masami nga nagalakat.
Ginpahayag ni Perales nga wala siya sang ihibalo kun ano gid ang ginkamatay sang biktima nga nasapwan sa bakante nga lote.
