CHINA–Kun maghambal nga boxing masami nga lalaki lang ang aton madumduman kag ginaekspektar nga maghampang sini bangud ang ini nga hampang ang pisikal kag nagakinahanglan sang mabaskog nga lawas pareho sang lalaki.
Apang sa Southern China, may yara sang isa ka bata nga babayi nga nagaedad 8-anyos ang naga stand out sa patag sang boxing.
Ginkilala nga Little Dumpling, ang iya amay nga isa ka welder amo ang nag train sa iya nga wala sang proper boxing equipment kag wala man sang proper training pag-abot sa boxing.
Ang iya amay ang nagakuha lang sang ideya paagi sa pagtan-aw sini sang videos halin sa internet.
Suno sa amay ni Little Dumpling nakita nya nga maisog kag makusog ang iya bata apisar ini isa ka babayi rason nga gin umpisahan niya ini nga i-train sa boxing kaupod man ang iya 10- anyos nga bata nga lalaki nga nangin sparring partner ni Little Dumpling.
Ginkabiliban naman sang mga boxing stars sa China ang istorya ni Little Dumpling kag sila ang naghatag sang bulig sa bata kaangay sang free trainings kag libre nga boxing equipment.
Gin imbitahan naman sang Chinese boxer si Little Dumpling sa isa ka invitational competition kun sa diin sya ang nagdaog.
Nagalaum naman ang amay ni Little Dumpling nga mangin isa ka professional boxer ang iya bata sa palaabuton.
