8 barangays sa Iloilo City, ginpaidalom sa 72-hour surgical lockdown epektibo 6:00 pm (Oktubre 2)

ILOILO CITY – Walo ka mga barangay ang ginpaidalom sa surgical lockdown epektibo 6:00 sang kasisidmon sang Oktubre 2.

Santo sa Executive Order No. 158 ni Iloilo City Mayor Jerry Treñas, yari ang mga barangay nga ginpaidalom sa 72 oras nga surgical lockdown:

1. So-oc, Arevalo – Project 2 and 3
2. North San Jose, Molo – Zone 2
3. South Fundidor, Molo – Zones 1, 3 kag 6
4. Bo. Obrero, Lapuz – Zone 3 Tinaob kag Zone 1
5. Jalandoni Estate, Lapuz – Calye 2 kag 3
6. Camalig, Jaro, Zone 1 kag 6
7. Democracia, Jaro – Zone 2
8. San Isidro, Lapaz – Zone 2 kag 3

Sa interview sang Bombo Radyo kay Public Safety and Transportation Management Office head Jeck Conlu, iya ginpahayag nga indi magnubo sa tatlo ka mga COVID-19 cases ang na record sa nasambit nga mga barangay.

Mahimo man nga mapalawig ang surgical lockdown sa tion nga madugangan ang ma record nga COVID-19 cases.

May kaangtanan diri, ginpahayag ni Conlu nga may igahatag naman nga food packs para sa mga apektado sang surgical lockdown.