Dakop ang walo ka mga nagapa-uwak sa Barangay San Lucas, Barotac Viejo, Iloilo.
Sa interview sang Bombo Radyo kay PMaj. Kenn Albert Lepsia, hepe sang Barotac Viejo Municipal Police Station, iya ginpahayag nga madugay na nga ginamonitor sang kapulisan ang lugar kag Abril 3 lamang natigayon nga maaktohan ang mga nagapa-uwak.
Suno kay Lepsia, ang mga narecover sa lugar amo ang P420 nga bet money, isa ka syringe kag duha ka mga manok.
Kaso nga paglapas sa Presidential Decree 449 ukon Cockfighting Law of 1974 ang pagaatubangon sang mga arestado.
