Ginkakas sa pwesto ang walo ka mga hepe sang pulis sa Metro Manila bangud napaslawan nga ipatuman ang Five-Minute Response time nga polisa sang PNP.
Suno kay PNP spokesperson Brigadier General Jean Fajardo, ini nga mga hepe ang assigned sa Navotas, Caloocan, Valenzuela, Mandaluyong, Marikina, San Juan, Parañaque, kag Makati.
Ginsiling naman ni PNP chief Police General Nicolas Torre III nga namalibad ang mga police officials nga mag-comply sa policy.
Dugang ni Torre, may iban pa nga police officials nga kakson sa ila pwesto kalakip na ang provincial directors sa Central Visayas.
