Patay ang 8 ka mga indibidwal lakip na ang isa ka 8 ka tuig nga Fil-Am, matapos ang mass shooting sa isa ka birthday party sa sulod sang isa ka banquet hall sa Stockton, California sang Sabado sang gab-i Nobyembre 30.
Nahibaluan nga Kapin isa ka gatos ka mga tawo nga nagatambong sa selebrasyon sang nagsugod ang pagpaniro, na ginalakipan sang 8 ka tuig, 9,14 kag 21 ka-anyos ang napatay sa nasambit nga brutal nga krimen.
Ginlaragway sang mga otoridad ang insidente bilang isa ka “targeted attack” nga posible ginpatigayon sang madamo nga gunman.
Nagapanawagan ang FBI kag San Joaquin County Sheriff’s Office sang bulig gikan sa publiko para matultulan ang mga responsible sa likod sang nasambit nga krimen.
