Gintudlo ni Senate Blue Ribbon Committee Chairman Senator Richard Gordon si Presidente Rodrigo Duterte nga liable bangud sa pagpahanugot sa iya appointees nga magpalagyo sa ginaalegar ma-anomaliya nga government deals sa pharmaceutical firm nga Pharmally.
Ginhimo ini ni Gordon samtang gina-engganyo ang iya mga kaupdanan sa Senado nga pirmahan ang ila nga committee report.
Matandaan nga sa draft report nanday Gordon, gin-criticize si Duterte bangud sa pagpahilabot sa imbestigasyon sang committee kag sa kapaslawan sini nga panglagson ang mga persona nga gin-tag sa amo nga anomaliya.
Ginpahayag man ni Gordon nga walo na ka mga senador ang nagpirma sa committee report.
Magluwas kay Gordon, ang mga senador nga nagpirma amo sanday Senators Manny Pacquiao, Franklin Drilon, Aquilino “Koko” Pimentel III, Risa Hontiveros, Francis “Kiko” Pangilinan, kag Leila de Lima.
