ILOILO CITY – Napasakaan na sang kaso ang walo ka mga nagkaladakpan nga nagahampang sang Pusoy Rumble sa Zone 4, Brgy. Boulevard, Molo, Iloilo City.
Sa interview sang Bombo Radyo kay Police Executive Master Sergeant Lario Esposo, imbestigador sang Molo Police Station, iya ginpahayag nga ang iban sa mga nadakpan amo ang mga miyembro sang Pantawid Pamilyang Pilipino Program kag may yara man sang barangay tanod sang nasambit nga lugar.
Suno kay Esposo, lakip sa mga nadakpan amo sanday:
- Jake Niembra Portillo, 52 anyos kag may live-in partner nga 4Ps Member
- Jaime Flores Nodado, 49 anyos kag Barangay Tanod
- Marvin Antioquia Domingo, 34 anyos
- Rocenel Buenabuente Soloriano, 50 anyos sang Zone 1, Brgy. North Baluarte sa Molo
- Raul Ogaro Antioquia, 55 anyos kag 4Ps Member
- Luzvilla Osorio Morin, 60 anyos
- certain Bet-bet, baayi, ginabanta 35 anyos
- Hubert Molavin, ginabanta 50 anyos kag ginapahayag nga residente sang Brgy.Calaparan sa Arevalo
Ginpahayag ni Esposo nga antes pa man nadakpan ang mga suspek, may yara na nga daan sang nagpalab-ot sang impormasyon tuhoy sa ginapatigayon nga sugal sa lugar.
Sang ginpatigayon ang raid, naaktuhan gid mismo nga nagasugal ang mga suspek nga nagapangatubang sang kaso sa illegal gambling.
Nakuha gikan sa raid amo ang duha ka set sang baraha kag P6,100 nga bet money sa nanari-sari nga denomination.
