ILOILO CITY – Positibo ang Archdiocese of the Jaro sa pagsunod sa panawagan ni Pope Francis nga indi dapat maglawig sang walo ka minutos ang sermon sa tion sang misa.
Sa interview sang Bombo Radyo kay Father Angelo Colada, director sang Commission on Social Communication sang Archdiocese of Jaro, iya ginpahayag nga maayo ini nga tikang agud indi pagtuyhon ang mga sumilimba.
Suno kay Colada, apisar malip-ot lang ang walo ka minutos, mahimo man nila mapahayag ang ila homily.
Ini ang possible mapatuman sa tion sang daily masses.
Apang kun Dominggo ukon may mga Fiesta, mas mayo suno sa pari kun maglawig ang homily sang 20 minutos agud mapalayag sang maayo ang pulong sang Diyos.
Indi lang ini suno sa natungdan ang una nga tion nga nagpahanumdom ang Santo Papa bangud sang tuig 2018, nagpahanumdom man ini sa mga pari nga dapat indi maglawig sang 10 ka minutos ang sermon.
Ginpahayag ni Colada nga indi man dapat pag abusuhon sang mga pari ang bahin sang liturhiya nga pag-deliver sang homily sa diin may iban nga ang kaugalingon nila ang ila gina-promote kag indi ang Diyos
