Gindagdagan sang Office of the Ombudsman ang walo ka mga opisyal sang Philippine Health Insurance Corporation (PhilHealth) sang anom ka bulan nga suspension may kaangtanan sa gina-alegar anomaliya sa pagpatuman sang Interim Reimbursement Mechanism (IRM).
Sa resolution nga pirmado ni Ombudsman Samuel Martires, yari ang mga opisyal nga suspended without pay;
-Chief Operating Officer Arnel De Jesus
-Executive Vice President Renato Limsiaco
-Senior Vice President Dr. Israel Pargas
-Area Vice President Gregorio Rulloda
-Benefits Administration Section Head Dr. Imelda Trinidad De Vera-Pe
-Manager Lolita Tuliao
-Fiscal Examiner Gemma Sibucao
-Fiscal Controller Lailani Padua
Gin-akusahan sang National Bureau of Investigation ang mga nasambit nga opisyal sa pag-release sang IRM funds kag ini ang ginkwestyon bangud sa pila ka mga rason.
Bangud sini, ginmanduan sang Ombudsman si PhilHealth President Dante Gierran nga ipatuman gilayon ang suspension order.
