Patay ang isa ka senior citizen matapos malumos sa Zone 9 Brgy. Calumpang, Molo, Iloilo kahapon, Marso 27.
Ang biktima amo si Rosalinda Angelica Cordero, 80-anyos, kag residente sang nasambit nga lugar.
Suno sa impormasyon, nagpaligo ang 80-anyos sa baybay apang posible nga gin-atake ini sang iya high blood pressure.
Ginhingagaw pa ini kuntani salbaron sang mga responders apang ginbawian gid ini sang kabuhi.
