CABATUAN, ILOILO – 80 ka mga bibe ang patay samtang 45 naman ang pilason matapos nga nag-atake ang ginapahayag chupacabra sa Brgy. Gaub, Cabatuan, Iloilo.
Sa interview sang Bombo Radyo kay Vicky Soldevilla, tag-iya sang mga ginpamatay nga sapat, iya ginpahayag nga nabugtawan sang iya tinawo nga nagginuwa sa kurong ang mga bibe kag nagalinapta na ang patay nga sapat.
Sang ginlibot sang iya tinawo ang kurong, didto na niya nakita ang duha ka chupacabra nga kasubong sang daku nga ido, may taliwis nga dulunggan kag may dalagku nga tapak sa duta.
Ginpahayag ni Soldevilla nga nagkuha sang panaming ang iya tinawo apang madasig nga naglukso sa apat ka tapak nga kudal ang duha ka chupacabra.
Sang ila nga gin-usisa ang lugar, didto na nakumpirma nga ang mga nagkalamatay nga bibe ang may pilas sa liog kag wawa ang dughan.
Kasubong suno sa natungdan nga ginsuyopan sang dugo ang mga bibe.
