ILOILO CITY- Naglab-ot na sa 80 ka mga eskwelahan sa Iloilo ang may clearance para sa progressive expansion of limited face to face classes.
Sa interview sang Bombo Radyo kay Mr. Leonil Salvilla, spokesperson sang DEPED-Divison of Iloilo, iya ginpahayag nga humalin kahapon,Marso 28, may yara na sang masobra sa 30 ka mga eskwelahan ang nagsugod sang limited face to face.
Suno kay Salvilla, ang iban nga eskwelahan ang ginalauman nga magbukas sumugod sa Abril 1 tubtob Abril 19 para sa limited face to face classes.
Pahayag ni Salvilla, ginabanta nga kapin 18,000 ka mga estudyante ang magapartisipar sa amo nga scheme humalin sa kindergarten tubtob sa senior high school.
Sa idalom sang sini nga scheme 10 tubtob 20 gid lamang ka estudyante ang pahanugutan nga magsulod sa isa ka classroom.
