Magboto subong nga midterm nga election ang 80 tanan ka Female PDLs sa Iloilo City District Jail-Female Dormitory (ICDJ-FD).
Sa interview sang Bombo Radyo kay Jail Senior Inspector Novella Ybañez, Acting Warden sang ICDJ-FD, iya ginpahayag nga nadelay ang pagboto sang mga PDLs bangud sa natabo nga miscommunication sa tunga sang Commission on Election (COMELEC) kag Electoral Board kun sa diin pasado ‘las 9 na sang aga nauna boto ang apat ka mga PDLs.
Nahibaluan nga 63 ang edad sang pinakatigulang nga botante nga PDL kag 18 naman ang pinakabata.
Santu sa rekord, 15 ka PDL ang nakarehistro sa Jaro, 5 sa Lapuz, 3 sa Arevalo, 4 sa Mandurriao, 7 sa Lapaz, , 27 sa Molo, kag 20 sa City Proper.
Pagkatapos magboto ang mga PDLs pagadal-on ang ila balota sang tagsa ka polling precinct kun diin ang mga ini naka rehistro agud matingob ini isip kag may magabalik sa Female Dormitory nga katapo sang Electoral Board agud magdeklara.
Natalana nga matapos ‘las 2 sa hapon ang binotohay apang posible maisol ini bangud sa natabo nga delay.
Text by: Bombo Phauline Pillora
