ILOILO CITY – Nagdangat sa 82 ka tonelada ang natipon nga basura sang City Environment and Natural Resources Office subong nga aga.
Sa interview sang Bombo Radyo kay Engr. Neil Ravena, ang head sang City Environment and Natural Resources Office, iya ginpahayag nga ang ini nga mga basura nga natipon ang halin lamang kagab-i.
Suno pa kay Ravena, mayoriya sini ang mga nabilin nga basura sang mga manugbakal sa dalanon.
Nagdangat naman sa 300 ka mga sweepers ang gin-deploy umpisa kaina sang kaagahon.
Samtang, ang mga portalets ang nagpangkuha na sang team kag natinlu-an na.
Nagpanawagan naman si Ravena sa publiko nga dapat mangin responsable sa ila nga basura.
