Kritikal subong ang kahimtangan sang isa ka 84-anyos nga lola matapos nga ginbubuan ini sang gasolina kag ginsindihan sang iya umagad nga lalaki sa Carcar, Cebu.
Sa imbestigasyon, ginsiling nga nagapanglaba ang tigulang sang natabo ang insidente.
Ginpahayag nga ginpakuhaan pa sang video sang suspek sa iya 11-anyos nga bata ang ginhimo sa tigulang.
Nag-angkon sang third degree burn ang lola.
Naggwa sa imbestigasyon nga hubog ang suspek.
Ginaalegar nga may madugay na nga indi paghangpanay sa tunga sang suspek kag biktima.
Nadakpan naman ang suspek kag magapangatubang sang panumbungon nga frustrated murder.
