ILOILO CITY – Halos 85-90 percent sa mga nagkaladakpan sa drug buy-bust operation sa Barangay Bakhaw, Mandurriao, Iloilo City ang nagpositibo sa ginpatigayon nga drug test.
Sa interview sang Bombo Radyo kay Police Captain Noel Soliman, pinuno sang Regional Police Drug Enforcement Unit VI, iya ginpahayag nga ang pagpositibo sa drug test ang dako nga ground sa pagpasaka sang kaso batuk sa mga nagkaladakpan nga ginpasakaan sang kaso nga paglapas sa Sections 5, 11 kag 15 sang Republic Act 9165 ukon ang Comprehensive Dangerous Drug Act of 2002.
Samtang, ginkumpirma man ni Soliman nga may yara na sang nagpyansa sang Sabado sa kaso nga makabig nga bailable.
Kun balik-balikan, 32 ka mga indibidwal ang nadakpan sa ginpatigayon nga drug buy-bust operation sang Regional Police Drug Enforcement Unit VI sa Barangay Bakhaw, Mandurriao, Iloilo City.
Ang iban sa mga nadakpan ang nagpahayag nga wala sila sang kahilabtanan sa iligal nga droga kag nabutungan lamang sang kapulisan nga ginkadlawan lamang sang operating team.
