Nagtalangison sa kalipay ang 86-anyos nga supporter ni Former Iloilo City Mayor Jed Patrick Mabilog kasunod sang liwat sini nga nakita ang anay alkalde matapos ang pito ka tuig.
Sa interview sang Bombo Radyo kay Clarita Nufable, suod nga supporter ni Mabilog, iya ginpahayag nga sang nabatian niya ang balita sa Bombo Radyo nga magaabot ang anay alkalde sa syudad, gilayon ini nga nagsakay agud magpadulong sa Iloilo City Hall.
Suno kay Nufable, apisar nga mabatian sini ang nanari-sari nga mga issue nahanungod sa anay alkalde, nagapati ini nga mabuot kag indi mahimo ni Mabilog ang mga ginahaboy nga pato-pato sa iya.
Ginpahayag man sini nga ang pagdumala ni Mabilog sa syudad ang matinlo kag mayo nga lider.
Sa pagbisita sang natungdan kay Mabilog, suksok sini ang campaign shirt sang anay alkalde nga may duag yellow kag may nakasulat nga “Mabilog pa rin.”
Naghilibion naman ini samtang ginahakos si Mabilog, kon sa diin, ginpangamuyo-an pa sini.
