May yara pa sang 46,968 housing units ang inug turn over sa Western Visayas sang Task Force Yolanda nga ginapamunuan ni Cabinet Sec. Karlo Nograles.
Sa interview sang Bombo Radyo kay Sec. Nograles, iya ginpahayag nga sa rehiyon 6, 88,804 na nga mga housing units ang na turn over.
Ini matapos ang paglaslas sang Super Typhoon Yolanda sang tuig 2013 sa diin madamo ang nagkalamatay kag madamo nga mga balay ang nagguba.
Yari ang mga lugar nga napatindogan na sang balay;
Sa Aklan…
Altavas – 393 housing units
Bugasong – 2,603 kag;
Culasi – 1,974
Sa Capiz…
Jamindan – 532 housing units
Panit-an – 572
Pontavedre – 1,168
President Roxas – 866
Sapian – 727 kag;
Ivisan – 672
Sa Iloilo…
Anilao – 364 housing units
Ajuy – 1,156
Carles – 3,208
Barotac Viejo – 1,980 kag;
Barotac Nuevo – 275
Sa Negros Occidental…
Silay – 1,992 housing unit
EB Magalona – 1,168 kag;
Victorias – 2,321
Suno kay Nograles, madamo pa ang ginapahimo nga balay sa Region 7 kag Region 8 nga naapektuhan man sang bagyo Yolanda sadto.
May yara sang dugang nga P7.4 billion nga pondo para sa pagpatindog sang dugang nga 32,294 nga mga housing units.
Sa pagkamatuod pahayag sang cabinet secretary, dapat nag expire na ang Task Force Yolanda sang Agosto apang bangud nga may dugang nga housing unit, ginpakamaayo ni Presidente Rodrigo Duterte nga palawigon pa ang katuyuan sang nasambit nga task force tubtob sa Hunyo 30, 2020 kadungan sang katapusan sang termino sang presidente.
Gin-athag man ni Nograles nga ang mga ginapatukod nga housing units ang libre para sa mga Yolanda victims kag ila man ginasiguro nga ma-istaran kag komportable ang pamilya.
Napasalig man ang Department of Education dugang pa ni Nograles nga mapatukod ini sang school building malapit sa mga “pabahay” ukon housing project, health center nga iya sang Department of Health kag day care center sang Department of Social Welfare and Development agud ini ang mangin accessible sa mga pumuluyo.
