ILOILO CITY – Yara na sa maayo nga kahimtangan ang siyam ka tuig nga bata matapos nga na sideswipe sang isa ka van sa Brgy. Gustilo, La Paz, Iloilo City.
Sa interview sang Bombo Radyo kay Police Staff Sergeant Joey Lopez, imbestigador sang La Paz Police Station, iya ginpahayag nga magabakal lang kun tani sa tiyangge ang biktima sang hinali lang nga na sideswipe sang ginapahayag puti nga van.
Santo sa panaysayon sang biktima, halin sa bahin sang Brgy. Jereos kag padulong sa Puerto Real Subdivision ang van nga nag sideswipe sa iya.
Wala na nakita sang biktima ang plate number sang van.
Gilayon nga gindala sa hospital ang biktima nga naka-angkon sang bagras sa lawas matapos nga nagtabog sang na sideswipe.
