Dead on arrival sa ospital ang nalumos nga 9 anyos nga bata nga lalaki sa baybay sa Barangay Tanza Baybay, Iloilo City Proper.
Nagdangat sa masobra apat ka oras ang search and rescue operation sang ini ang nasapwan.
Sa interview sang Bombo Radyo kay Edna Locsin, iloy sang bata, iya ginpahayag nga wala niya nahibaluan nga nagpadulong sa dagat ang iya bata nga posible nahagadan lang sang iya mga abyan.
Suno sa iya, ginadumilian gid niya nga magpaligo ini sa dagat bangud wala sang bantay kag indi man makahibalo maglangoy ang iya anak.
Gilayon man ini nga gindala sa ospital apang wala na natabangan pa.
