ILOILO CITY– Ginmandu na sang Bangko Sentral ng Pilipinas (BSP) ang pagsirado sang siyam ka branches sang Valiant Bank sa Western Visayas.
Ang nasambit nga mandu sang BSP ang epektibo subong nga adlaw, May 17.
Sa interview sang Bombo Radyo kay Errol Ibañez Jr., assistant department manager kag deputy spokesperson sang Philippine Deposit Insurance Corporation (PDIC) , iya ginpahayag nga lakip sa mga branch nga ginpasirado amo ang mga nahamtang sa Antique, Iloilo City, Bacolod City kag Roxas City.
Ginpahayag ni Ibañez nga ginapanugyanan ang 7,000 nga kliyente sang Valiant bank nga magdangop sa PDIC paagi sa numero nga 028414630.
Santo sa pagpaathag ni Ibañez, wala nakapasa sang requirements nga ginahingyo sang BSP ang Valiant bank.
Sa subong, padayon pa ang inventory sa assets sang nasambit nga bangko.
