ILOILO CITY – Nagkaladakpan ang kapin siyam ka mga traffic enforcer sa syudad sang Iloilo nga nagbiya sa ila mga puwesto agud magpangaroling.
Sa interview sang Bombo Radyo kay Jeck Conlu, pinuno sang Public Safety and Transportation Management Office (PSTMO), iya ginpahayag nga dagdagan sang suspension order ang mga nasambit nga traffic enforcer sang kapin tatlo ka adlaw.
Suno kay Conlu, bangud sa masako nga bulan sang Disyembre, sa masunod nga tuig sa bulan sang Enero mangin epektibo ang ipasaka nga suspension.
Pahagay ni Conlu, naintindihan man nila nga nagpanghingalit man ang mga enforcers sa pagpangaroling.
Apang suno sa natungdan, ang pagbaya sa posting ukon puwesto sang isa ka traffic enforcer ang indi puwede ma konsiderar kun trabaho na ang paga-isturyahan.
Lakip sa mga distrito sa diin nagkaladakpan ang mga traffic enforcers amo ang Iloilo City Proper, Molo kag Jaro, Iloilo City areas.
