Nagaisanon na lang si former Senator Ferdinand ‘Bongbong’ Marcos, Jr. nga wala nakakumpirma kun magatambong ini sa debate nga patigayunon sang Commission on Elections (Comelec) sa Marso kag Abril.
Sandig sa pinakaulihi nga anunsyo ni Comelec spokesperson James Jimenez, siyam na sa napulo ka presidential candidates ang nagpahayag nga magapakita sila sa live debates:
Ini amo sanday:
* Former Foreign Affairs undersecretary Ernesto Abella
* Labor leader Leody De Guzman
* Manila Mayor Isko Moreno Domagoso
* Senator Panfilo Lacson
* Former Defense secretary Norberto Gonzales
* Negosyante nga si Faisal Mangondato
* Physician nga si Dr. Jose Montemayor, Jr.
* Senator Manny Pacquiao
* kag Vice President Leni Robredo
Ligum-dulom pa ang poll body kun maka-attend si Marcos.
Antes diri, wala man sang Marcos nga nakit-an sa pila ka presidential interviews lakip na sa forum nga gin-organisa sang Kapisanan ng mga Brodkaster ng Pilipinas; apang kun matandaan, present ini sa debate nga gin-conduct sang SMNI network nga iya ni Apollo Quiboloy.
SA PAGKA-BISE PRESIDENTE
Kun wala sang kumpirmasyon ang team ni Marcos sa presidential debate, amo man sini ang dalagan sa vice-presidential debate.
Sa pinakaulihi nga anunsyo ni Jimenez, wala pa nakakumpirma si vice presidential bet Davao City Mayor Sara Duterte sang iya attendance.
Una na ini nakapahayag nga indi siya magtambong sa anuman nga debate antes ang eleksyon.
Ang nakakumpirma sang attendance amo sanday:
* Professor Walden Bello
* Rizalito David
* Manny Lopez
*Dr. Willie Ong
* Senator Francis Pangilinan
* Carlos Serapio
* kag Senate President Vicente Sotto IIISi Buhay party-list Representative Lito Atienza nga runningmate ni Pacquiao ang una na naka-kumpirma nga indi ini magtambong bangud sa medical reasons. ##
